خالد سعيد .. القشة التي قسمت ظهر البعير

دايما لما بقابل حد او بتكلم مع حد مش متضامن مع قضية خالد ويعرف الي حصله بلاقي ديما سؤال واحد اشمعنى خالد الي اتعمل عشانه كده؟

وبيكون ردي كلمة واحده 

خالد سعيد .. الفشة التي قسمت ظهر البعير 

ايوة موت خالد صحوة لينا ولجيلنا

جيل كان  عايش في غيبوبة مكنش حاسس ب اي حاجه تحصل حواليه او دايما كان بيقول وانا مالي طول منا في حالي محدش ليه دعوة بيا ... في حالات كتير قوي غير خالد اتعذبوا واتقتلتوا وكنا نسمع عنهم وكنا نقول لا حول ولا قوة الا بالله وننسى .. لان دايما مكنش بيجلنا الخبر كامل او كان بيجلنا الخبر مشوة زي انهم يقولوا الي حصله كده بيتكلم ف السياسه يا اما تبع اي من الجماعات وكنا من جوانا مبنهتمش وبننسى 

لكن خالد ....؟

شاب مصري زيه زي كل واحد فينا ماشي جنب الحيط لا ليه في سياسه ولا في اي كلام شاب عايش يومه مع صحابه واهله وكمبيوتر بتاعه شاب زي كتير من جيلنا عاش في بلده وكانه مش عايش فيها 

يوم ما عرفت بموت خالد وشوفت صورة التعذيب الوحشي الي حصل لخالد سألت نفسي سؤال 

ليه ؟

ليه خالد يحصله كده وبقيت ادور واشوف واقرا ولقيت انه قبل خالد كان في الف خالد بس احنا مش حاسيين 

قبل خالد كان في جيل كامل بيعذب وساكت جيل حقوقه ضايعه ومش عارفله طريق جيل الي نفد منه يا اما هرب بره البلد يا اما اهله ناس جامده وساندينه 

انما احنا ؟؟؟

جيل ضاع منه احلامه واتسرقت منه كل بسمه وكل امل جيل اتسحل من يوم ما اتولد 

من تعليم فاشل لبطاله لقهر لظلم  .. وديما كان كل واحد فينا يقول هانعمل ايه 

ده غير كتير بقى الي اتعرض لقهر وظلم وجبروت واتسرق منه عمره وشبابه وراح في دايره معرفش يخرج منها ويوم ما يخرج منهم بيخرج منها ميت

كل ده عشان في يوم فكر يقول للظلم لا  ويوقف ويواجه عشان يجبلي ويجبلك حقنا في بلدنا 

حقنا الي ببيتسرق من ايام الفراعنه .... ولسه لحد يومنا ده مصر بتتسرق مننا 

عرفتوا بقى اشمعنى خالد 

عشان خالد سعيد اتوجد في جيل خالد لكن مش سعيد .. مات خالد عشان غيره ميموتش وعشان نصحي ونفوق ونقول كلنا كلمه واحده .. البلد دي بلدنا ..  ولينا حق في كل شبر فيها لينا حق نقول راينا ونعيش في بلد حرة مصر مش هاتبقى حرة غير بينا لما احنا نأمن بحريتنا ونحافظ عليها وندافع عنها لان الحرية كالحق لا تعطي لمن يستحقها ولكنها تأخذ ممن اغتصبها 

مصر بتتغير عشان احنا بنتغير .. الصبر الأمل والايمان هايغيروا كل حاجه حوالينا 

وفي الاخر بقول كلمه واحده .... ربنا يرحمك يا خالد 

ويجعل ثواب كل واحد فاق وعرف حقه في بلدنا في ميزان حسناتك 

by Hebat El-Niel on Friday, August 27, 2010 at 6:31pm

لم أعد كما كنت من قبل

حيرة

أنا تغيرت .... ولازلت أتغير ..
نعم هذه الحقيقة التي يرفضها كل من حولي ويريدونني كما كنت من سنوات طويلة بنفس الزي ونفس الفكر ونفس المعتقدات والاهتمامات
ولكن الحقيقة إنني تغيرت فلم أعد انا تلك الفتاه في العشرين من عمرها والتي تنصاع وراء الكلمات الرنانه والبكاء و غيرهم من وسائل التأثير والتضليل ولكن أصبحت أدرك تمام لأمور كثيرة ومن المؤكد أنني لازال أمامي الكثير لإدركه .
أعترف أنني لم أعد كما كنت بذلك العناد الصلب ولكني أصبحب أملك أفكار فولاذية وأشياء كثيره إكتسبتها من تجارب كثيرة في حياتي و مواقف عديده مرت علي .. ولكن لإسف الشديد لازال يحكمني هذا المجتمع بفكره المتحجر الغير قابل للتغير ولا حتى ان يتحرك شبرا للإمام
لازال يعيش في أوهام كثيره ويقيدني بها غصب عني .
الله الشيئ الجميل في حياتنا يتعاملون معه وكانه يتربص لنا ولإخطائنا وانه سينزل علينا حمم من النار ما إذا أخطأنا ده إذا لو كان تصرفنا بالفعل خطأ .. ونسو رحمته سبحانه وتعال في إدراك الامور وإدارك النفس الانسانيه وما تحويه من تقلبات وتغيرات وخفايا .. وكذلك عقولنا التي تتغير أفكارنا - البعض منا - من وقت لأخر ومن زمن لأخر .
كلهم يعتقدون أنهم وجدو الله وحصلو على إرضاءه واي شخص يخالف ذلك سيطرد من رحمه الله .. ربي لقد تعبت مما يحدث حولي وأنا أومن برحمتك أكثر مما أومن بهم .. ياليتني لازلت أحتفظ بعنادي كمان كنت من قبل فعنادي كان أقوي من فكري أما الان فأصبح العكس صحيح وأصبحت أفكر في كل شيئ حولي وأخشى ما أخشاه أن تدمرني هذه الافكار وهؤلاء الاشخاص.